რით განსხვავდებიან სხვა თანატოლებისგან წიგნებთან დამეგობრებული ბავშვები?

 

უპირველეს ყოვლისა იმით რომ, რაც თვალში მოხვდებათ, ან რასაც ყურს მოკრავენ, უმალ წაკითხულ ამბავს, ან მის პერსონაჟს უკავშირებენ.

 

ჭერის კუთხეებში აბლაბუდების დანახვისას სწორუპოვარი მქსოველი ქალი - არაქნე ახსენდებათ, ვრცელ, ნაგავსაყრელად ქცეულ მინდორს კი - ავგიას თავლად მოიხსენიებენ. არც მის ტრანჩბულს ივიწყებენ. ყველა უფროსი, ვისაც დასჯითა და დათრგუნვით გადაუწყვეტია ბავშვების "აღზრდა", მატილდას სკოლის მრისხანე დირექტორია მათთვის, რომელიც თურმე სპორტის უცნაურ სახეობას - უროს ტყორცნას მისდევდა ოდესღაც.