სამი ახალი სიტყვა შევიტანეთ ჩვენს განმარტებით ლექსიკონში - "მუზმუზელა", "გამეხებული", "სასოწარკვეთა" და "ლაბირინთი".

პირველი ისეთ ადამიანს აღწერს, ვისაც თავი დიდი ვინმე ჰგონია და სინამდვილეში ერთი უხასიათო არსება გახლავთ; 

მეორე - გაბრაზებას, განრისხებას ნიშნავს; 

მესამე, ერთობ სავალალო მდგომარეობას - იმედის დაკარგვას გამოხატავს; 

ხოლო მეოთხე ისეთ ნაგებობას გულისხმობს, სადაც შესვლა ადვილია და გამოსვლა კი, თითქმის შეუძლებელი. 

ეს სიტყვები მითოლოგიური გმირის, თეზევსის თავგადასავლებისა და "მატილდას" მეთერთმეტე თავის კითხვისას შემოგვხვდნენ, როცა ჩვენ, მე და ჩემი პატარა მსმენელები ხან არიადნეს ძაფით ხელში მივუყვებოდით იდუმალ დერეფნებს და ხან ბიჭუნას, სახელად ბრუსს ვგულშემატკივრობდით, რომელსაც საშინელი მის ტრანჩბული უზარმაზარი ტორტის ჭამას აიძულებდა.