28 ივლისს, ჭავჭავაძის ცენტრის "სამოქალაქო მეხსიერების" პროექტის ფარგლებში, ბათუმის დემოკრატიული ჩართულობის ცენტრში გაიმართა ცენტრის მიერ 1990-იანი წლების აჭარის თემატიკაზე გადაღებული დოკუმენტური ფილმების პრემიერა.

 

ნაჩვენები იქნა ორი ეპიზოდი ციკლიდან "რამდენიმე სურათი ანუ ეპიზოდი დამოუკიდებელი საქართველოს ისტორიიდან" - "ასლან აბაშიძე - გვამებზე სიარული" და "ასლან აბაშიძე - სეპარატიზმი მოსკოვის დროით".

 

ღონისძიებას ესწრებოდნენ ფილმებში გადაღებული რესპონდენტები, სამოქალაქო აქტივისტები და საზოგადოების სხვა წარმომადგენლები.

 

პროექტი "სამოქალაქო მეხსიერება" ხორციელდება კონრად ადენაუერის ფონდის სამხრეთ კავკასიის ბიუროს მხარდაჭერით.