ჭავჭავაძის ცენტრის დირექტორმა ნინო კალანდაძემ ვილფრიდ მარტენსის ცენტრის (Wilfried Martens Centre for European Studies) მე-16 ტრანსატლანტიკურ Think Tank-ების კონფერენციაში მიიღო მონაწილეობა. კონფერენცია 22-24 ივნისს ვაშინგტონში, ჰადსონის ინსტიტუტში (Hudson Institute) გაიმართა. ორგანიზატორები, მარტენსის ცენტრთან ერთად, იყვნენ  ჰადსონის ინსტიტუტი  და საერთაშორისო რესპუბლიკური ინსტიტუტი (IRI).

სამდღიანი ღონისძიება ხუთ სესიად იყო დაყოფილი. მსჯელობა ეხებოდა  ტრანსატლანტიკური ურთიერთობების მომავალს, ევროპის ახალ თავდაცვით პასუხისმგებლობებს ნატოში, აშშ-ევროკავშირის პოზიციების თანხვედრას ჩინეთის, რუსეთისა და ახლო აღმოსავლეთის საკითხებში, ასევე შიდაპოლიტიკურ ცვლილებებს ატლანტის ორივე მხარეს. ღონისძიების ფარგლებში კანადის საელჩომ აშშ-ში უმასპინძლა დისკუსიას კანადის როლზე ტრანსატლანტიკურ თანამშრომლობაში.

ღონისძიება გაგრძელდა ნიუ ორკში, სადაც კონფერენციის მონაწილეები შეხვდნენ აშშ-ს სამოქალაქო საზოგადოების და მედიის წარმომადგენლებს, ასევე ეწვიენ ევროკავშირის მისიას გაეროში.

კონფერენცია გახსნა და შეაჯამა მარტენსის ცენტრის პრეზიდენტმა, სლოვაკეთის ყოფილმა პრემიერ-მინისტრმა, მიკულაშ ძიურინდამ.